Texto em alemão hunsrik.
Aos leitores que não falam o alemão hunsrik peço desculpas.
Na minha opinião é importante preservar a nossa cultura. O hunsrik, falado ainda em muitas comunidades do Sul do país e também Argentina, Paragua,e outros, é um dos aspectos dessa nossa cultura.
KRIOLE TZIKA
Host tuh xon´en kriole tzika keraucht?
Wie mea kleene kurii wore too muste tie mena sich seleps tie tzikre fabritziere (fabricar). Maine pápai khont kuut tzikre mache.
Tas eaxte was ma must mache woa tie tzika pleta. Mea kuri sin in tie milhehit kexikt kep, un oon tem milhe xtoos ene kholwe raus suche mit xeene un klatixe pleta. Tie pleta muste xeen tzootxe sin fa net tie lipe xamariere wen te pápai tie tzika keraucht hot.
Tan, hot tee pápai tas tzikaploot ap kexniit mit sain prítola (uma espécie de canivete). Too must tas ploot apkelekt ken un tan phoomol mit tem caniwet kexrap were fa rixtix xeen klatix ken.
Tan hot tee pápai six hin kesetzt fa te fum xnaite. Tee peste fum woa tee amarelinhe. Awa tee mustma khofe fon soo´m man fon Santa Cruz. Tee is ima pai uns tarix kefoo mit soo´m weenxe mit 2 muule. Tee amarelinhe woa taia awa te pápai hot ima khoft.
Pai uns homa och fum kemach, awa tas hot ima soo´n xwatze fum kep. In te vuch hot te pápai fon unsrem xwatze fum kerauht awa Samstags un sontags hora amarelinhe keraucht
Fria hon noore tie mena keraucht. Tas woa fapoot fa tie froolait. Hait rauche tie froolait mee wie tie mena. Un tan menese tewonax was se mahe teere.
Tie kexixt is in São Luiz passeat, in soo en kleen kemehn fom mutzip Quilombo. Tot hot te Vôvo Angelo kewoont un tas voa´n rixtixe xpliin. Wen tee khont enem en tissafore mache, tas hora kemach.
Tas woa sontags un in São Luiz woa mess. Tee Vôvo Angelo woa of´m manhaus un fone on tem woa´n man tee hot tzikapleta im hina sekel kehat. Wie tie mess in te heleft woa too hot te vôvo Angelo te iskere kehol un faia on ti tzikapleta kepaut. Tee man hat en wolta-ao-mundo himt oon un tas hot ooh faia kefong.
Tee phoda mus tie mess in setze soo kroos woa tie pakuns uwe uf´m man haus.
Fa klik honse tas faia aus kriit un te man hot sich nore pisie te oxkrove faprent.
Excelente artículo (kriolezika) Felicitaciones Laurindo!
ResponderExcluir