TIE PESE KHAMT OKSE.

TIE PEHSE KAMT OKSE.

tie thante Clóra

      O texto desta semana está escrito no alemão HUNSRIK. Aos que nao falam este dialeto minhas desculpas.

TIE PESE KHAMT OKSE.

In Arroio Canoas woa tas tie pergamote tzait.  Ich hat en thante kehat wo in Porto Alegre kewohnt hot un wen tas tie pergamote tzait woa tan is tie ima móie khom. Tas woa tiec.

- In Porto Alegre sin tie pergamote taia un lang net so kuht wie tie wots tohih kipt, soht tie Tia clara.

Tas woa sontags moiens, nohm khafi, sin ich, maine jingste pruda um tie tande tie pegamote hole kang. Tas woa uwe ufem perich, toh hot ene alte pergamote pohm in te platoch kextan. Toh soht tie mámai:

phast uf tie pese okse uf woh traus on te xlahterai aus keris sin. Toh soht tie Tia:

- Tas woa kans to traus, tie were toch net sich tohirom faxtekelt hon. Toh soht maine pápai:

- Tuh Clóra, plaips rechta tehem mit tainem lohm pehn. los tie puwe ruf uf te perich ti pergamote hole kehn.

Awa tie Thante hot sich niks foa mache kelos. Hot 2 linhaxne sek uf te pukel kehol un is mit kexlept. Wie ma ohn te perich khom sin toh sohtse:

- Te pápai hot recht. ich kehn rechta hem. Tea khent tie pergamote hole kehn.

Wie mea ticht on te pergamote pohm khom sin to homa etwas keheat krume. Tas wore tie tzwoi pese okse. Fa klik worema xon tixt onem pohm un wie tie okse uns wolte xtose toh wore mea xon ufem pohm. tie hon kemutzt un kekrohpt met te fona fis. Wore werklich peeees.

Was jetz mahe?  Wie to sohn tzaitxe rom woa soht maine klene pruda:

- Ich mus phisse. to sot ich:

- Phis uf te oks.

To hora sich uf sohn nast kextelt un hot tem oks richt uf tie fratz fissiat. Wie te oks tas salsix orin kemerkt hot to hora en xroe ap kelos un te perich no runa kexprong un kehupst. Te anre oks wost net was toh lohs wea, to hora ene hate fotz ap kelos un oh te perix no runa kexpong.

Tas woa unsa retung. xnel wie mexlich, wie sohn xus, sin ma te perix no runa kexpong pisma tehem wore.

Jetz petenkt aich mo wen tie thante, met saim lohme pehn, mit kang wea.