O texto de hoje estou escrevendo em alemão hunsrik. Os que não entendem este alemão devem me desculpar. Na próxima edição prometo reescrever a mesma história em português.
Ain Hohtzait in Boa Vista
Tem Paldo sain Marii hot sich en xeen xetzie on kexaf, un om Samstag mitag hotse hairat.
Te Paldo hot in Parulheek kewoont un tie hotzait is in Boa Vista passiat.
Wea mia tie kexixt fatzeelt hot woa maine pruda, Nelson Hentz. Nelson woa xon 15 jowa leera in Boa Vista. Un wie tas selixmo woa, te leera hot soo unkefea ales kemah in te kemeen. Ea woa leera, sacristão, mestina, (coroinha), hot tene kena untrixt kep “catequese”, voa te regént fom coral, um soo waita.
Tee phoda Scholl woa vigário um te is fon Poço das Antas khom fa tie hohtzait hale. Maine pruda Nelson woa ufem manhaus, (cantoria)met saine singa un tes halp woa te Flach Alvis te sacristão (sacristão substituto).
Tan hot tee phoda kesong:
-“Dominus vobiscum”. Un tem Nelson sain singa hon keantwort:
-“et cum Spirito tuo”.
In tene tzaite sin tie messe uf latainix keleest kep.
Alles is xeen apkeloof pis tie tzait kom is mit te ringe un too is tie praut samakefal. Tie het six pis kene weefale wen te proitikam(noivo) se net fest kehal het. Tas woa tan io alehant un all woltese helfe. Fiel froolait hon went kemah mit saine wentfexa “leque”. Tie wentfexa wore fria moode, awa tas hot alles niks keholef. Too hot sain mamai keruf: Wassa! Wassa! Tan taht te Phoda Scholl wassa kint werklix helfe. Too komt xon te sacristão mitem flechelxe. Te phoda scholl hot ales uf tie praut kexut. Awa tea liwe lait un tea kina! Too hot tas mo kextung. In tem flechelxe woa keen wassa trin, tas woa kerozehn “querozene”. Tie lait hon all kehust un fiel muste raus xprenge kotze. Tas tings hot soo kextung tas tie praut tzusig com is. Tie praut hot six keaiat awa was wultse oh mahe.
Te sacristão substituto hot te Nelson faxent wela te kerozehn in te sacristai kelos hot. Too soot te Phoda Scholl:
- Warom famaulta aix? Hot te kerozehn tan net kewerekt ?!!!
Interessante história
ResponderExcluir