Ain Hohtzait in Parulhe Ek

 

 

 

 

 

 

Ain Hohtzait in Parulhe Ek

 

 

 Tem Paldo sain Celina hot sich en xeen xetzie on kexaf, un on som xene Samstag mitag hotse kehairat.

Tee Paldo hot in Parulheek kewoont un tie hotzait is in Boa Vista passiat.

Wea mia tie kexixt fatzeelt hot woa maine pruda, te Nelson Hentz. Nelson woa xon 15 jowa leera in Boa Vista. Un wie tas selixmo woa, tee leera hot soo unkefea ales kemah in te kemeen. Tee woa leera, sacristão, messtina, (coroinha), hot tene kena untrich kep “catequese”, voa te regént fom khoa “coral”, um soo waita.

Tee Phoda Scholl woa vigário um tee hot tie hohtzait kehal. Maine pruda Nelson woa ufem manhaus, (cantoria)met saine singa un tes wexe woa tee Flach Alvis tee sacristão (sacristão substitut).

Tan hot tee phoda kesong:

-“Dominus vobiscum”. Un tem Nelson sain singa hon keantwort:

-“Et cum Spirito tuo”.

In tene tzaite sin tie hohtzaite “casamentos” uf latainix kehal kep.

Alles is xeen apkeloof pis tie tzait kom is mit te ringe un too is tie praut samakefal. Tie het six pis khene wee fale wen te proitikam(noivo) tie net fest kehal het. Tas woa tan io alehant. Al woltese helfe. Fiel froolait hon went kemah mit saine wentfexa (tie wentfexa wore fria moode) awa alles hot niks keholef. Too hot sain mamai keruf:

- Wassa! Wassa! Tan hot tee Phoda Scholl ketengt wassa kint werklix helfe. Too komt xon tee sacristão sbstitut mitem flechelxe. Te Phoda Scholl hot ales uf tie praut kexut.

Awa tea live lait un tea kina too hot tas mo kextung. In tem flechelxe woa keen waasa trin, tas woa kerozeen. Tie lait hon all kehust un fiel muste raus xprenge fa sekotze. Tie praut is soo lamsam tzuusix khom wel tas hot tzuu fil kextung.

Too hot tee sacristão substitut tem Nelson mo te max kemach. Hot kexent wel te Nelson te keroseen in te sacristai kelos hot.

 Too soot tee phoda Scholl:

-Warom famaulta aix? Hot te keroseen tan net kewerekt???